"Heydər Əliyev və Müstəqil Azərbaycan"

Oğuz rayon Heydər Əliyev Mərkəzinin əməkdaşları Azərbaycan xalqının ümummilli lideri Heydər Əliyevin anadan olmasının 94 illiyi ilə əlaqədar olaraq Oğuz şəhər 3 saylı məktəb liseyin şağirdləri üçün "Heydər Əliyev və Müstəqil Azərbaycan" mövzusunda tematik dərs keçirmişlər. Tədbirdə Ulu öndər Heydər Əliyevin həyatından və Azərbaycan xalqının rifahı naminə gördüyü işlərdən bəhs edən videoçarxa tamaşa edilmiş, Heydər Əliyevin Azərbaycançılıq ideologiyası haqqında, Azərbaycanın müstəqillik qazanması, çiçəklənməsi və dünya arenasında özünəməxsus yer tutması ilə bağlı fəaliyyəti barədə Mərkəzin direktoru M.Abbasovanın geniş məruzəsi dinlənilmişdir. Daha sonra şagirdlər Müstəqil Azərbaycana və Azərbaycan alqının ümummilli lideri Heydər Əliyevə həsr edilmiş şerlər səsləndirmişlər.